A próxima fin de semana, 19 e 20 de xullo de 2024, o pobo de Freáns celebrará con gran entusiasmo as Festas na Honra a Santa María Magdalena, unha festividade que reúne a veciños e visitantes en torno á tradición e a devoción.
Venres 19 de xullo
A celebración comezará o venres ás 22:00 h cunha gran churrascada para todos os veciños e colaboradores, acompañada de pementos frescos. A noite estará amenizada pola orquestra Acordes e o DJ Mikel Son, quen poñerán ritmo e diversión á velada.
Sábado 20 de xullo
O sábado ás 12:30 h, celebrarase unha misa solemne na honra a Santa María Magdalena, seguida dunha procesión dende a capela, acompañada por un grupo de gaitas que encherá o aire de melodías tradicionais. Ás 18:00 h, os máis pequenos gozarán dunha festa infantil especialmente organizada para eles. A xornada culminará ás 23:00 h coa actuación da orquestra Marbella e a disco móbil Chocolate, asegurando unha noite chea de música e baile.
Luns 22 de xullo
Como broche final, o luns 22 de xullo, ás 12:30 h, celebrarase outra misa solemne na honra a Santa María Magdalena, pechando así unha fin de semana de fe, tradición e ledicia.
Dende aquí, queremos agradecer a todas as persoas que traballan incansablemente para que as nosas festas e tradicións se manteñan vivas. Grazas ao seu esforzo, podemos seguir celebrando xuntos estes momentos tan especiais.
